جاقىندا بۋرسا قالاسىنىڭ دەلەگاتسياسى قاپشاعاي قالاسىنا جۇمىس ساپارىمەن كەلىپ, ىسكەر ايەلدەرمەن كەزدەستى. دەلەگاتسيا قۇرامىندا بۋرسا قالاسىنىڭ ايەلدەر كونفەدەراتسياسىنىڭ پرەزيدەنتى ديلەك دۋراك, بۋرسا قالاسىنىڭ ايەل كاسىپكەرلەرى ۇيىمىنىڭ جەتەكشىسى سەلۆيناز يرمان, تۇركى حالىقتارىنىڭ قورىنىڭ پرەزيدەنتى احمەد داگدۋران جانە دە باسقا قۇرمەتتى قوناقتار بولدى. بۋرسالىقتار جاساندى تەڭىز جاعاسىنداعى قالاداعى كاسىپكەرلەرگە قىزمەت كورسەتۋ ورتالىعىندا بولىپ, ءوڭىردىڭ الەۋمەتتىك-ەكونوميكالىق جاعدايىمەن تانىستى. كەزدەسۋدە الماتى وبلىسى ىسكەر ايەلدەر كەڭەسىنىڭ مۇشەسى, ىلە اۋدانى شاعىن كاسىپكەرلەرى قاۋىمداستىعىنىڭ پرەزيدەنتى جاننا تەلپەكباەۆا وڭىردەگى ايەل كاسىپكەرلىگىنىڭ دامۋى جونىندە اڭگىمەلەدى.
ال قاپشاعاي قالاسىنداعى ىسكەر ايەلدەر كەڭەسىنىڭ ءتورايىمى گۇلجان يسكانوۆانىڭ ايتۋىنشا, قالادا تىركەلگەن 3,4 مىڭ شاعىن جانە ورتا بيزنەس سۋبەكتىلەرىنىڭ جارتىسى نازىك جاندىلاردىڭ ۇلەسىندە. قالاداعى ايەلدەر بيزنەسى نەگىزىنەن ساۋدا, قوعامدىق تاماقتاندىرۋ مەن قىزمەت كورسە سالاسىندا شوعىرلانعان. وتكەن جىلى ىسكەر ايەلدەردىڭ باستاماسىمەن ء«بارى دە راحمەت ءۇشىن» الەۋمەتتىك دۇكەنى اشىلعان ەكەن.
ال تۇرىك دەلەگاتسياسى تۋريزم, اۋىل شارۋاشىلىعى, ءسۇت وڭدەۋ, تىگىن-توقىما ءوندىرىسى, سونىمەن بىرگە الەۋمەتتىك سالا, قولونەر سالاسىنداعى جوبالارعا ينۆەستيتسيا قۇيىپ, بىرگە جۇمىس جاساۋعا دايىن ەكەندەرىن جەتكىزدى. كەزدەسۋ ناتيجەسىندە قاپشاعاي قالاسىنىڭ ىسكەر ايەلدەر كەڭەسى مەن تۇركى حالىقتارىنىڭ قورى اراسىنداعى ارىپتەستىك جونىندەگى مەموراندۋمعا قول قويىلماق.
قالماحانبەت مۇقامەتقالي,
«ەگەمەن قازاقستان»
الماتى وبلىسى
